Esparbel Rondador

Blog d'un esparbel que fa unas añadas s'en fue t'al norte, an pleba de la nieu de peren y no conoxioron mai l'imperio romano, dimpues s'en fue t'al sur, an os alpes y ro mediterraneo se i troban, prou luego estie en a isla d'a libra y o burger King, ascape torne a cambear de nido, y pare por as tierras d'a txalaparta lo txistu y o fromache d'idiazabal. pero o suyo prexinallo ha estau de peren en as bals aragonesas y como fer ta tornar-ie.

16.11.06

RUESTA


Iste cabo semana estie en Ruesta, ixe lucaron xublidau d'a canal de Berdún. Yo no bi eba estau mai, y a impresion que tenie estie grandiza.
Cuan t'amanas ta lo lugar nabesas una selba de pins que no te dixa bier o paisache, asinas que cuan bies o lugar por primera bagada ya yes prou amán, y a sorpresa ye gran. As murallas, a torre d'o biello castiello, as casas... altizas sobre un puyal, os tellaus que ya no i son, la tristura de lo abandono....

Y peren, bindose dende o Castiello o dende cualisquier casa....l'entibo de Yesa...

O lugar no ye petito, tiene dos carreras luengas que nabesan a poblazion dende a entrada dica o castiello, bi'n ha de casas grans, que charran d'un pasau importan, d'altras petitas, puertas polidas, casas que encara no reblan a ros oraches y ras añadas.., b'n ha d'altras que ya fa muito tiempo que dixaron d'aguardar que tornasen os dueños....

d'o son as chens que fa no muitas añadas plenaban isas bals?

O mio esmo esdebino tristura, y a tristura... rabia, bergoña, impotenzia........

ENTIBOS NO PAS.

l'esparbel

2 Comments:

At 11:06 a. m., Anonymous Anónimo said...

¿Sabes que Ruesta es el pueblo de la madre de mi jefe? Que casualidad.
Me dijo que allí rodaron escenas de la peli "La vaquilla". ¿Te fijaste el las pintadas el el frontón junto a la iglesia? Salen en ella.

Teo.

 
At 4:31 p. m., Blogger Choben said...

mozet, no dixes o blog, que yera uno d'os que más goyo me feba.

 

Publicar un comentario

Links to this post:

Crear un enlace

<< Home