Esparbel Rondador

Blog d'un esparbel que fa unas añadas s'en fue t'al norte, an pleba de la nieu de peren y no conoxioron mai l'imperio romano, dimpues s'en fue t'al sur, an os alpes y ro mediterraneo se i troban, prou luego estie en a isla d'a libra y o burger King, ascape torne a cambear de nido, y pare por as tierras d'a txalaparta lo txistu y o fromache d'idiazabal. pero o suyo prexinallo ha estau de peren en as bals aragonesas y como fer ta tornar-ie.

18.9.06

Sin Sentiu



O biernes de nuei binie dende Londres do bi he estau bells diyas. Y a "segurida" que diz que han en os aeroportos ye a saber-lo de redicula.

Por una parti estan as restricions en as cosetas que puedes puyar con tu ta l'abion, que no son as normals que bi'n ha en otros puestos:

--> No se puede puyar con dengun liquido, pero iso quiere dizir cualiquier mena de liquido, ni augua t'al biache. Y si ye menister porque tiens una maladia u ye comida ta un bebe, cal que le gustes deban d'os polizias ta que biegan que no yes terrorista; amas de portar bel decumento de un doctor anglés que diga que tiens a maladia.

--> No se puede puyar que un bulto, quie dizir que si una muller porta un bolser, ya no puede puyar cosa mas!!, y cal que siga tan petito, que anque biaches que por un solo diya con un bolser pequeñer, no se puede puyar con el.

Por otra parti son os polizias angleses con unos pistolons como dallas, con ropas antibalas, que en trobas a camatons por tozs os cados d'o puesto.

Pero o pior esta o trato que recullen os biachers, Cal a pasar o ocntrol sin de calzero, solenco y a polizia cachea un por un, toz los biachers, no dizen sisquiera porfabor u grazias, ye como cuan ficas as güellas en o redil.

Y se meten ancara mas furos con os que paizen arabes, u los que leban greñas.... si yo queriese meter una bomba suposo que no lebaria greñas ni paizeria arabe, no?....YE REDICULO

Pero cuan ya yes dintro, puez comprar lo que te cuaque, incloso bella cosa ta beber y minchar, pero iso si, bien caro que ye. Y en lo abion tamien puedes gustar lo que te cuaque, pero tamien si te dixas os diners..... Asinas que ye un negozio....

Y tamién ye prou interesante ta las intempresas tradizionales d'abiazion, ya que no estaban que las "low cost" que dixaban puyar tot que querebas ta l'abion, y agora con istos controls rediculos, as interpresas "low cost" pierden ista abantacha que teneban frente as tradizionals.

Y o mas Rediculo ye que iste trato no se fa que en Inglaterra, porque si biachas dende cualisquier puesto ta inglaterra tot ye normal. Solamen si sales dende o pais d'os fillos de la gran bret.... te fan a tana.

Güe boi ta Frankfurt, y abos contare como son as cosas por iste puesto.....

Esparbel Rondador.

3 Comments:

At 9:01 p. m., Anonymous Anónimo said...

Mama mía que líos ta puyar en l'abión. Amás de pensar que as de puyar-ie con o miedo que siempre me fa a yo, has d'estar pensando en si te miran os guardias, si bas despeinau u si fas mala cara. Qué orror.

Como siga asinas, no sé si puyará o numero de pasachers...

 
At 9:35 p. m., Anonymous Anónimo said...

A o can tamién lo rechistran ?

 
At 10:56 p. m., Blogger Choben said...

Cuan tonré de manchester beyé ixas midas de seguridat... o negozio de l'augua ye descarau. Chusto cuan esnabesas o control de liquidos te trobas con una botiga de liquidos ta mercar, y a un pre increyible: 2 euros l'augua.

Por o demás he de dizir que mos tratón bien en o cacheo y en tot en cheneral: remero que a mía cartera no cabeba en o puesto an que cal meter-la ta pasar y miré de meter-la -ie a patadas y a la fin o guardia me dizió que pasase... A berdat ye que yera ixo u trencar-le o traste.

O trato yera bueno en cheneral, pero prou que as midas yera ecszesibas y o negozio perfeuto.

 

Publicar un comentario

<< Home