Esparbel Rondador

Blog d'un esparbel que fa unas añadas s'en fue t'al norte, an pleba de la nieu de peren y no conoxioron mai l'imperio romano, dimpues s'en fue t'al sur, an os alpes y ro mediterraneo se i troban, prou luego estie en a isla d'a libra y o burger King, ascape torne a cambear de nido, y pare por as tierras d'a txalaparta lo txistu y o fromache d'idiazabal. pero o suyo prexinallo ha estau de peren en as bals aragonesas y como fer ta tornar-ie.

7.11.06

L'esdebenidero....

Nairobi, 6-17 Nobiembre 2006,
Cuasi totz os pais d'iste planeta nustro se son trobaus en Nairobi ta charrar de l'esdebenidero luego de Kioto, y de primeras no se si escampara a la fin d'a trobada, u ancara bi habra de boirons bien recios ta lo meyo ambien.

O dandalo que tiengo, ye si o "quiesto" amigo Bush ba arrimar o güembro y refirmar o texto final, u ba fer como peren ha feito, refirmar os mainates d'o suyo pais que no miran que ta lo suyo melico y ta ros diners que fan a suyas interpresas con as suyas fumeras y altros repuis.(30% d'a ponzoña mundial)

Paiz que "España" refirmara o testo (ta yo no tiene garra merito, ya que como miembro d'a UE no puede eslexir). y lo que cal ye que se'en faiga mas, que creigo que no mos escañaremos, bi'n ha d'altros paises que fa añadas que a suya economia crexe sin prezisar que os repuis y fumeras lo en faigan.

Seguntes os espertos, estará alazetal que os paises grans que son en bias de desembolique refirmen o testo (China, India, Brasil, Surafrica.....) chunto con EEUU ta que l'efeuto d'os compromisos sigan os deseyaus!

Cal dizir que bi'n ha un representan aragones, pero no se qui ye, beluno sape qui ye?? y que fera en Nairobi?

Cuan remate a trobada ya en charraremos mas, y podremos bier si ha escampau una miajeta u ancara son plegaus mas boirons recios y foscos....

Esparbel Rondador

1 Comments:

At 9:29 p. m., Anonymous amelia said...

Si sapesemos de berá tó lo que pasa por o mundo, ixos pobrichons pasando gana, as bolazions a ras mullerotas, as inchustizias, u nos suizidariamos u pretariamos fuego a culera d'os que nos gubiernan. Grazias por l'aliento compañero.

 

Publicar un comentario

Links to this post:

Crear un enlace

<< Home