Esparbel Rondador

Blog d'un esparbel que fa unas añadas s'en fue t'al norte, an pleba de la nieu de peren y no conoxioron mai l'imperio romano, dimpues s'en fue t'al sur, an os alpes y ro mediterraneo se i troban, prou luego estie en a isla d'a libra y o burger King, ascape torne a cambear de nido, y pare por as tierras d'a txalaparta lo txistu y o fromache d'idiazabal. pero o suyo prexinallo ha estau de peren en as bals aragonesas y como fer ta tornar-ie.

5.9.06

Rondador de Perén........y ta cutio!

Hola a toz!

Ye la primera bagada que escribo en Internet, y antimás m'a parexiu que cal que lo faiga en a ista lengua tan polida que beluns quieren amortars y belatros no quieren esfender, yo ya fa un camaton d'añadas que m'en soy ito d'a tierra aragonesa, y solamen d'ista mena, escribindo, puedo refirmar a ixos poquers que ancara la i-charran.

Ya no torno que de tan en cuan ta aragon, y ancara menos ta la mia bal, pero fa-me a saberlo de goyo leyer cualisquier coseta n'aragones, asinas que creigo que ye chusto que yo tamien en escriba beluna.

Me cuacaria muito poder tornar ta la mia tierra, y cuan siga posible ya lo en fare. Pero tan y mientres prebare que iste blog siga un contauto con a tierra de os mios pais y os mios lolos, y como diz a "Ronda de Boltaña": "El pais de mis hijos serás".

Esprisions,
Esparbel Rondador

1 Comments:

At 5:08 p. m., Blogger charrabís said...

Rondador, m'alegro que t'aigas dezidiu a escribir en aragonés en internet. Amás, prou que tendrás muitas cosas a contar-nos d'ixas migrazions que has feito y que, sisquiera, rematen en ista tierra que ye Aragón.

Espero que contines escribindo y que lo faigas tan bien como has prenzipiau.

Un saludo dende O chemeco d'as parolas, ta o que quieras, cuenta con a mía aduya.

 

Publicar un comentario

Links to this post:

Crear un enlace

<< Home